may malaking aso't di ako makatakbo

ni Bujay

Tutang Aso

pakihanap nga ang amo

nitong lumalaking aso

na bumabagabag sa loob ko

Bughaw na Aso

mahirap tulaan 'yong bughaw 

na asong minsang 

kinupkop ko dito sa may kalooban

dahil hindi salita ang mamumutawi

kundi laway ng pagkaulol

at nginig ng paghagulgol

Haring Aso
Paano pa isasalba ang sarili
'pag ang asong ulol ay ako na,

hindi na siya nakataling aso
kundi bagong luklok na amo?

Inalisan niya ako ng trono
sa sarili kong palasyo.

Ngayon saan ko ilulugar ang sariling walang uuwian,
maging sa sariling katawan?