93 Million Miles

93 Million
ni Bujay

Malayo!

Sobrang layo ko na!

Malayo sa bahay,

kay nanay at tatay,

malayo sa tahanan ko.

Hindi ko alam.

Bakit ko ba pinili 'to?

Bakit pa ako lumisan

sa malambot na kamang higaan

himlayan ng utak

pahingahan ng isip?

Ngayon tuloy

kahit pagod na ako

pilit pa ring pinapagana 

'tong pabagsak at kinakalawang na makina 

ng isip

ng diwa

ng sarili.

Ano kayang langis 

ang magpapagana

sa makinang bulok at tumatagas

nitong sasakyan ko pabalik

sa iniwang kama

sa nilisang tahanan

sa malayong pamilya

sa kinakalimutang sarili

?

(Ang tulang ito ay paggunita sa una kong pagbagsak sa paborito kong reyna.)